Sulmuesi i Lazios, Ciro Immobile, ndihet mirënjohës që ka luajtur nën urdhrat e Jurgen Kloppit në Borussia Dortmund dhe e ka përshkruar trajnerin si një trajner që nuk mund ta harrosh.
Kloppi e mori Immobilen në Dortmund në vitin 2014, për ta zëvendësuar Robert Lewandowskin e larguar drejt Bayern Munich, por sulmuesi italian i shënoi vetëm 10 gola në 34 ndeshje dhe u largua drejt Sevillës në vitin pasues.
Ai vuajti përsëri para portës edhe në Sevilla, por e ka ringjallur karrierën që prej se i është bashkuar Lazios duke i shënuar 103 gola në katër sezonet e fundit në Serie A.
Por Immobile është i zhgënjyer që gjëra nuk i shkuan mirë gjatë një viti nën urdhrat e tanimë trajnerit të Liverpoolit në Dortmund.
“Nuk mund ta harrosh dike si Klopp. Kam qenë me fat që kam luajtur nën urdhrat e tij. Ai është trajner shumë emocional; dikush për të cilin lufton për çdo top”, tha Immobile.
I pyetur përse dështoi në Dortmund, Immobile tha: “Mendoj sepse iu bashkova Dortmundit në një kohë të papërshtatshme, sa i përket ekipit”. /Gazeta Express/
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...
10 vjet nga Procesi i Berlinit, diskutohen arritjet, mundësi...